Thursday, September 29, 2022

بہار کے جموئی میں ملک کا سب سے بڑا سونے کا ذخیرہ ملنے کا ہوا انکشاف، بہار میں آئےگی خوشحالی۔

(تر ہت نیوز ڈیسک)
بہار جسے اکثر غریب ریاست کہا جاتا ہے، اب جلد ہی امیر ہونے والا ہے۔ دراصل، ملک کے سب سے بڑے سونے کا ذخیرہ بہار کے جموئی ضلع کے سونو بلاک کے کرماٹیا علاقے میں پائے جانے کی تصدیق ہوئی ہے۔ اس فرحت بخش خبر کی تصدیق لیکن مرکزی کانکنی وزیر پرہلاد جوشی نے خود اس کی تصدیق کی ہے۔ پرہلاد جوشی نے انکشاف کیا ہے کہ جموئی کے پاس ملک کے سب سے زیادہ سونے کے ذخائر ہیں۔ ملک میں پائے جانے والے سونے کے ذخائر میں سے صرف جموئی ضلع کے سونو علاقے میں 44 فیصد سونا ہے۔ مرکزی وزیر کی تصدیق کے بعد علاقے کے لوگوں میں خوشی کی لہر دوڑ گئی ہے۔ مقامی لوگوں میں امید ہے کہ اب نہ صرف یہاں کے لوگ بلکہ پورا بہار خوشحال ہوگا۔ اب جلد ہی یہاں سونے کی کان کنی شروع ہو جائے گی۔
کرماٹیہ علاقے میں ملک کا 44 فیصد سونا ملنے پر اس علاقے کے لوگ خوش ہیں۔ چرہت گاؤں کے سدھاکر کمار سنگھ اور پونیت کمار سنگھ نے بتایا کہ وہ بچپن سے دیکھتے آئے ہیں کہ 8 کلومیٹر کے دائرے میں موجود مٹی میں چمکیلے معدنیات پائے جاتے ہیں جو کہ سونا ہے۔ دوسری جانب مہیشوری گاؤں کے دیپک سنگھ نے بتایا کہ کولکتہ کی ٹیم 15 سال پہلے سروے کے لیے یہاں آئی تھی، اس ٹیم نے انکشاف کیا تھا کہ سونے کے ساتھ مزید معدنیات یہاں موجود ہیں۔ اب جب حکومت نے کہا ہے کہ یہاں سونے کا ذخیرہ ہے تو کان کنی کی وجہ سے مقامی لوگوں کے لیے روزگار بڑھے گا، اور جموئی سمیت پورا بہار خوشحال ہوگا۔

Related Articles

Stay Connected

7,268FansLike
10FollowersFollow

Latest Articles