(ترہت نیوز ڈیسک)
اڈیشہ کے اسٹیٹ اسٹیل اور مائنز کے وزیر پرفُل ملک نے پیر کو ریاستی اسمبلی کو بتایا کہ اڈیشہ کے تین اضلاع میں مختلف مقامات پر سونے کی کانیں پائی گئی ہیں۔
ڈھینکنال کے ایم ایل اے سدھیر کمار سمل کی طرف سے پوچھے گئے ایک تحریری سوال کے جواب میں وزیر نے کہا، ‘ڈائریکٹوریٹ آف مائنز اور جیولوجیکل سروے آف انڈیا (جی ایس آئی) کے سروے میں تین اضلاع بشمول دیوگڑھ، کیونجھر اور میور بھنج میں سونے کے ذخائر کی موجودگی کا انکشاف ہوا ہے۔
ملک کے مطابق، یہ سونے کے ذخائر کیونجھر ضلع میں چار مقامات، میور بھنج ضلع میں چار مقامات اور دیوگڑھ ضلع میں ایک جگہ پر ملے ہیں۔
کچھ دن پہلے، جیولوجیکل سروے آف انڈیا (جی ایس آئی) نے ضلع ریاسی میں 59 لاکھ ٹن لیتھیم کے ذخائر کا بھی پتہ لگایا ہے، جو کہ الیکٹرک گاڑیاں اور سولر پینل بنانے میں استعمال ہونے والی ایک اہم دھات ہے۔
لیتھیم نایاب وسائل کے زمرے میں آتا ہے اور پہلے یہ ہندوستان میں دستیاب نہیں تھا جس کی وجہ سے ہندوستان اپنی درآمدات پر 100 فیصد انحصار کرتا تھا۔ اب GSI کی طرف سے کئے گئے G-3 (ایڈوانس) مطالعہ میں یہ پتہ چلا ہے کہ ماتا ویشنو دیوی کے مزار کے دامن میں واقع سلال گاؤں (ضلع ریاسی) میں موجود لیتھیم کے ذخائر اعلیٰ معیار کے ہیں۔
ایک اہلکار نے بتایا کہ عام رینج میں لیتھیم کا ‘گریڈ’ 220 پارٹس فی ملین (ppm) ہے، جب کہ جموں و کشمیر میں پائے جانے والے ذخائر کا گریڈ 550 پی پی ایم سے زیادہ ہے اور یہ ریزرو تقریباً 59 لاکھ ٹن ہے۔ تقریباً 5.9 ملین ٹن دستیابی کے لحاظ سے چین کو پیچھے چھوڑ دے گا۔
کشمیر میں لیتھیم کے ذخائر ملنے کے بعد اب اڈیشہ کے 9 مقامات پر سونے کے بڑے ذخائر ملے
