(تر ہت نیوز ڈیسک)
پنجاب اسمبلی کے انتخابات میں صرف چند ماہ رہ گئے ہیں۔ اب خبر ہے کہ ریاست میں بڑی تعداد میں کانگریس کے سینئیرلیڈر بھارتیہ جنتا پارٹی (بی جے پی) میں شامل ہو سکتے ہیں۔ کہا جا رہا ہے کہ ان میں سے کئی رہنما اس سے قبل کابینہ کے وزیر بھی رہ چکے ہیں۔ حال ہی میں ریاست کے سابق وزیر اعلیٰ کیپٹن امریندر سنگھ اور بی جے پی نے آئندہ اسمبلی انتخابات ایک ساتھ لڑنے کا اعلان کیا ہے۔ وزیر اعلیٰ کے عہدے سے ہٹائے جانے کے بعد کیپٹن نے حال ہی میں اپنی نئی پارٹی ‘پنجاب لوک کانگریس’ کا آغاز کیا ہے۔
خبر رساں ایجنسی اے این آئی کی رپورٹ میں ذرائع کے حوالے سے بتایا گیا ہے کہ پنجاب کابینہ کے سابق وزرا، ایم پی، ایم ایل ایز، پنجابی گلوکار اور مشہور شخصیات بی جے پی سے رابطے میں ہیں۔ رپورٹ کے مطابق تقریباً 15 سے 20 لوگ بی جے پی میں شامل ہو سکتے ہیں۔ ان میں سے بہت سے لوگ کانگریس، عام آدمی پارٹی، شرومنی اکالی دل اور نیشنل سوشلسٹ کانگریس سے پہلے بھی جڑ چکے ہیں۔ رپورٹ کے مطابق ذرائع نے بتایا ہے کہ چار گلوکاروں سمیت یہ تمام لوگ رواں ہفتے پنجاب میں پارٹی میں شامل ہو جائیں گے۔ذرائع کا کہنا ہے کہ ’بہت سے لوگ بی جے پی میں شامل ہو رہے ہیں، اس میں کچھ وقت لگے گا‘۔ 4-5 دنوں میں یعنی ایک ہفتے میں شمولیت کا امکان ہے۔ اچھے لوگوں کو اقتدار میں آنا چاہیے، تاکہ نوجوانوں کو فائدہ ہو سکے۔ پنجاب کے بہت سے پڑھے لکھے لوگ بیرون ملک جا رہے ہیں اور وہیں آباد ہو رہے ہیں۔
پنجاب میں بڑے ہیر پھیر کی تیاری میں ہے بھاجپا! کانگریس کے سابق وزراء، ایم پی سمیت 4 گلوکاروں الیکشن سے قبل بھاجپا میں کرنے کی ہو رہی تیاری۔
